D’Expositioun vun de Familljen a Kanner vis-a-vis vun der gender-baséierter Gewalt zu Kibera reduzéieren an hir Widderstandsfäegkeet stäerken

Lokale Partner

D’Kibera Girls Soccer Academy (KGSA), der PADEM hiren éischte kenianesche Partner (2007), war ursprénglech eng Initiativ vun engem Nairobier, deen zu Kibera opgewuess ass, dem Abdul Kassim, Telekommunikatiounsingenieur. Op Grond vu senge Liewenserfarunge wollt hien a sengem Slum Initiativen ergräifen, fir d’Gläichheet vun de Geschlechter ze fërderen, fir NEEN ze soen zu verfréite Schwangerschaften, Schoulofbroch, gender-baséierter Gewalt, a fir d’Gendernormen am Kenia ze briechen.

Zousätzlech huet d’KGSA Erfarung mat Wunnengsprojeten, besonnesch mam UN Habitat (dem Wunnengsprogramm vun de Vereenten Natiounen). D’ONG konnt dobäi Lektiounen aus fréiere Realisatiounen zéien. Si huet och eng Schoul gebaut, an dat ass eng weider wichteg Erfarung am Domän vun der Konstruktioun.

Kontext

Am Juni 2021 huet d’Regierung vum Kenia en Orientatiounspabeier erausgi mam Titel “Kenia’s Roadmap to Advance Gender Equality, End All Forms of Gender-Based Violence (GBV) and Female Genital Mutilation Women by 2026” (Roadmap vum Kenia fir de Fortschrëtt bei der Geschlechtergerechtegkeet, fir de Stopp vun all Forme vu genderbaséierter Gewalt a weiblecher Genitalmutilatioun).  D’Land huet sech engagéiert, fir déi systemesch Barrièren ofzeschafen, déi d’genderbaséiert Gewalt méiglech maachen. Och wann dëst Engagement luewenswäert ass, huet de Kenia zanter der Kris vun der COVID-19 Pandemie eng stänneg Erhéijung vun der genderbaséierter Gewalt verzeechent.

D’Missioun

D’Zil vun der Missioun ass, datt déi vulnerabel Familljen der genderbaséierter Gewalt manner ausgesat sinn an datt hir Resistenz gestäerkt gëtt. Sou wäert de Projet 50 Familljen erlaben, a méi sécheren Haiser a Quartieren ze liewen.

Aktivitéiten

-Renovéierung a Verbesserung vum Ekipement vun den Haiser.

-Stroossebeliichtung fir nuets installéieren.

-Sensibiliséierung vun der Gemeinschaft fir de Kannerschutz.

-Ausbildung vu Familljecheffen fir Aktivitéiten, déi hinnen en Akommes erlaben an den Zougang zu erneierbare Fongen erlaben.

Beneficiairen

100 vulnerabel Familljen, déi geschlechterbaséierter Gewalt ausgesat sinn (400 Persounen)